რატომ იმეორებენ ხშირად ქალიშვილები დედების ცხოვრებას?

სხვა დროში ცხოვრობენ, სხვა რეალობაში,

სხვანაირი კომფორტი აქვთ, სხვანაირი ტექნოლოგიები…

მაგრამ მაინც დედებს იმეორებენ – არიან მსხვერპლები, მხრებჩამოყრილები, მუდამ დანაშაულის გრძნობით და საკუთარი თავის გაუფასურებით დატანჯულები.

და ცხოვრობენ უქმროდ, ან ლოთ ქმრებთან, ან მოღალატეებთან, ან დესპოტებთან,

ან მათთან, ვინც სულ ამცირებს, სთხოვს მაქსიმუმს და აძლევს მინიმუმს, ექცევა ნივთივით, რომელიც მისი საკუთრებაა…

ჩვენ მივდივართ ჩვენი გვარის ქალების მიერ გატკეპნილი გზით და ვიმეორებთ მათ ბედს. მანამ, სანამ ვინმე ამ გვარის ქალებიდან არ დაფიქრდება

და არ გადაწყვეტს შეცვალოს სცენარები საკუთარი თავის, გვარის სასიკეთოდ.

და იმისათვის, რომ მისმა შვილებმა არასოდეს გაიმეორონ იგივე გზა.

იქნებ შენს გვარში შენ ხარ ეს ქალი?

‌

ქალებს ჩვენი ქალური ბედი გადმოგვეცემა ჩვენი საგვარეულოს ქალების ხაზით. ამას ახლა საგვარეულო სცენარებს უწოდებენ.

რა არის საგვარეულოს სცენარები?

საგვარეულო სცენარები არის ურთიერთობების მოდელები, რომლებსაც ვიღებთ ოჯახებიდან, საგვარეულოებიდან ისე, რომ ხშირად ვერც კი ვაცნობიერებთ ამას.

ეს სცენარები განსაზღვრავს ჩვენი ცხოვრების ყველა სფეროს, მათ შორისაა რეალიზებულობა, საკუთარი ფასეულობის შეგრძნება, სიმყარე და დაცულობა, პირადი ურთიერთობები, ბავშვებთან კომუნიკაციის უნარი, შემოქმედებითი უნარი და შემოსავლის დონეც კი.

‌

დედის საგვარეულო გავსებს თავდაჯერებულობით, საკუთარი თავის და საკუთარი ქალურობის მიმღებლობით, იმ შემთხვევაში, თუ მასთან სრულყოფილი ენერგეტიკული კავშირი გაქვს.

და სწორედ ამ ხაზითვე გადმოგეცა მემკვიდრეობით ის პროგრამები და ამოცანები, რომელთა გადაჭრა შენი გვარის ქალებმა შენამდე ვერ მოახერხეს. აქედანაა საკუთარი ქალურობის მიუღებლობა და ამდენი ქალური, და არა მხოლოდ ქალური, დაავადება.

‌

თუ რაღაც ამოცანა მოვიდა შენამდე მათგან, დარწმუნებული იყავი, შენ მისი გადაჭრა შეგიძლია, მთავარია, იმუშაო სწორად, გაჯანსაღდე და გააჯანსაღო ის, რასაც შენი შვილები ღებულობენ შენგან.

იმისათვის, რომ მიცე თავს ბედნიერი ქალობის უფლება, მნიშვნელოვანია, ჯერ შეივსო საკვები ენერგიით. მხოლოდ მაშინ შენს ცხოვრებაში მოვა შეუდრეკელობა და სიმყარე (დაფესვიანება).